संघीय जनगणतन्त्रको स्थापनापछि मात्रै आदिवासी तथा जनजातिहरूको वास्तविक मुक्ति हुन्छ : सीपी गजुरेल
काठमाडौं : अखिल नेपाल आदिवासी जनजाति महासङ्घले आज ३१ औँ विश्व आदिवासी दिवस भव्य रुपमा सम्पन्न गरेको छ। काठमाडौँको घट्टेकुलोस्थित सम्पन्न उक्त कार्यक्रमका प्रमुख अतिथि क्रान्तिकारी कम्युनिस्ट पार्टी नेपालका महासचिव सीपी गजुरेल गौरव हुनुहुन्थ्यो। एक समारोहका बीच गौरवले पानसमा बत्ती बालेर उक्त ३१ औ आदिवासी दिवस समारोहको उद्घाटन गर्नुभएको हो। कार्यक्रमका प्रमुख वक्ता समेत रहनुभएका गौरवले नेपालमा संघीय जनगणतन्त्रको स्थापना भएपछि मात्रै आदिवासी तथा जनजातिहरूको वास्तविक मुक्ति हुने बताउनुभयो। जनजाति समस्या पनि वर्गीय समस्या भएकाले जनजातिहरूका आन्दोलनलाई वर्गीय आन्दोलनसँग जोडेर लैजानुपर्ने उहाँले बताउनुभयो । अर्को प्रसङ्गमा गजुरेलले संयुक्त राष्ट्रसङ्घले धेरै विषयमा र प्रसङ्गमा दिवस मनाउने गरेपनि संयुक्त राष्ट्रसङ्घले घोषणा गरेका…
