प्रकाश दाहालको गाउ बनाउने हुटहुटी
गाउँको अनुभुती= प्रकाश दाहाल जीवनमा धेरै ठाउँ घुम्ने अवसर पाएँ। अहिलेसम्म नेपालको ५० भन्दा बढी जिल्ला घुमिसकेको छु। तीमध्ये केही जिल्ला विकासका हिसाबले निकै अगाडि बढिसकेका छन् भने केही अझै पनि पछाडि परेका छन्। ती सबै ठाउँसँग तुलना गर्दा मेरो गाउँ चौंरीदेउराली प्राकृतिक सौन्दर्य, शान्त वातावरण र बसोबासका लागि अत्यन्त उपयुक्त गाउँपालिका हो। यहाँको भूगोल, हरियाली र स्वच्छ वातावरण साँच्चै लोभलाग्दो छ। तर आज यही सुन्दर गाउँ छोडेर जानेहरूको लर्को देख्दा मन निकै दुःखी हुन्छ। पहिले सीमित समस्या वा व्यक्तिगत कारणले केही मानिस मात्र गाउँ छोड्थे, तर पछिल्लो समय गाउँ छोड्नु धेरैको बाध्यता बनेको देखिन्छ। गाउँमा घर छन्, तर घरमा…
