शनिबारीय साहित्य : कविता
१)
एकटा ललौन, खूब ललौन सुरुज
दिन भइर लड़ैत
सँझुका असमंजसमे
थकित, क्लान्त
मुदा गौरवमय लालिमा नेने
ढइल गेल ।
देखबै अहाँ
काइल्ह भोढ़ढियामे
राइतके छाती चीर क’
उगत फेर
सुरुज
(२)
मृत्यु सत्य नइँ अइ महाेदय,
मृत्य बस सत्यके अंशमात्र अइछ,
सत्य त जीवन अइछ
समयके छातीमे गहीँर
बहुत गहीँर जइर छाेडैत
आ बढैत
हरेक बेर मृत्युके पार करैत ।
आउ, एहि आसक एकटा दीप बारी
मन मनमे एकटा दीप बारी
आसक
विश्वासक
आ जीवनक जीतक ।
(३)
ओना ई अखन तक
पुराने सन बुझाइत अइछ ,
आउ , सब केओ मिलिक’
एकरा , साँचेके
नवका बनाबी ।
नववर्षके शुभकामना ।
