भक्तपुर : क्रान्तिकारी कम्युनिस्ट पार्टी नेपालका बैकल्पिक केन्द्रीय सदस्य देवकुमार मोक्तानको बुबा साइला लामा प्रति श्रद्धाञ्जली अर्पण गर्न कात्तिक १६ गते श्रद्धाञ्जली सभा आयोजना गरिएको छ ।
क्रान्तिकारी कम्युनिस्ट पार्टी नेपालका महासचिव गौरवको प्रमुख आतिथ्यतामा उक्त कार्यक्रम सम्पन्न भएको हो ।
९ नं. ब्यूरोको आयोजनामा सम्पन्न उक्त कार्यक्रमको अध्यक्षता ९ नं. ब्यूरो सचिव चिन्तामणि पौडेल र सन्चालन १० न ब्यूरो सचिव सोमान सिहले गर्नु भएको थियो । ९ नं. ब्यूरो इन्चार्ज दिनेश शर्मा र १० नं.ब्यूरो इन्चार्ज सुरेश श्रेष्ठको कार्यक्रममा आतिथ्यता थियो ।
उपस्थित जनहरुले निधन हुनुभएका साइला लामाको फोटोमा माल्यार्पण गर्नु भएको थियो ।
साइला लामा प्रति श्रद्धाञ्जली स्वरुप एक मिनेट मौन धारण गरिएको थियो । क्रान्तिकारी कम्युनिस्ट पार्टी नेपालका काभ्रे जिल्ला सचिब ढोग प्रसाद अधिकारिले समवेदना – पत्र बाचन गर्नु भएको थियो । । प्रमुख अतिथि महासचिव गौरवले साइला लामाका तीन छोराहरुलाई समवेदना –पत्र हस्तान्तरण गर्नु भएको थियो । श्रद्धाञ्जली मन्तब्य पार्टी महासचिव गौरब र पार्टीका बैकल्पिक केन्द्रिय सदस्य देबकुमार मोक्तानले राख्नुभएको थियो।
