म्याग्दी, साउन ६ गते । कालीगण्डकी कोरिडोरअन्तर्गतको अन्नपूर्ण गाउँपालिका–७ महाभिरमा शनिबार राती खसेको पहिरोले मोटरसाइकल पुरेकाे छ । हिमालपारिको जिल्ला मुस्ताङ जोड्ने सडकमा खसेकाे पहिरोले मोटरसाइकलमा क्षति पुर्याएकाे छ भने चालक सकुशल रहनुभएको छ ।
म्याग्दी सदरमुकाम बेनी देखि अन्नपूर्ण गाउँपालिका–५ शिखरतर्फ जाँदै गरेको ध २ प ६०३३ नम्बरको पल्सर कम्पनीको २२० सिसिको मोटरसाइकल गुडिरहेको अवस्थामा एक्कासि पहिरो खसेर पुरिएको थियो । मोटरसाइकलका चालक अन्नपूर्ण गाउँपालिका–५ का ४४ वर्षीय बाबुराम गर्बुजा भने सकुशल रहेको जिल्ला प्रहरी कार्यालय म्याग्दीले जनाएकाे छ । प्रहरीका अनुसार पहिरो झर्न थालेपछि मोटरसाइकल त्यहीँ छाडेर चालक भागेका थिए ।
