काठमाण्डौ : देशभरी मनसुन सक्रिय रहेको जल तथा मौसम विज्ञान विभागले जनाएको छ । अबको तीन दिन सम्म देशभरी वर्षात हुने भएकोले सतर्कता अपनाउन विभागले सबैमा अनुरोध गरेको छ ।देश भरी वर्षातको कारण पहिरो बाढीको जोखिम बढेको छ ।
असार महिनाको अन्त्य तथा साउन महिनाको शूरुको दिनमा सँधैजसो अत्यधिक वर्षात हुने गर्दछ । यो समयमा यात्रा गर्दा विशेष सतर्कता अपनाउन प्रहरी प्रधान कार्यालयले सबैमा अनुरोध गरेको छ ।
वर्षातको कारण सडकहरुमा ठाउँ ठाउँमा पहिरो गई अवरोध हुन पुगिरहेको छ । यात्रामा अनावश्यक दुःख हुन सक्ने भएकाले अवस्था जानकारी लिएर मात्रै यात्रामा निस्कनु पर्ने देखिन्छ ।
