काठमाडाैँ : महिलाहरुको मंसिर ११–१३ गतेसम्म हुन गइरहेको विश्व महिला सम्मेलनको सैद्धान्तिक गोष्ठीबारे जानकारी दिन मंसिर ८ गते पत्रकार सम्मेलन सम्पन्न भएको छ । पत्रकार सम्मेलनमा महिलाहरुको शोषण र उत्पीडनको मूल कारण साम्राज्यवाद भएको महिलाहरुको भनाइ रहेको छ । पत्रकार सम्मेलनमा गोष्ठीबारे जानकारी दिनुका साथै गोष्ठीको तयारी पूरा भएको बताइयो । पत्रकार सम्मेलनमा विश्वभरका देशहरुबाट उत्पीडित महिलाहरुको उपस्थिति रहने जानकारी दिइयो । गोष्ठीमा साम्राज्यवाद, पर्यावरणीय संकट र आणविक प्रतिष्पर्धाको विषयमा गहन छलफल हुने जानकारी गराइएको छ । गोष्ठीले संसारभरका उत्पीडित महिलाहरुको अधिकार स्थापित गर्न र साम्राज्यवाद विरोधी धारणा निर्माण गर्न सहयोग पुग्ने विश्वास गरिएको छ । पत्रकार सम्मेलनमा संसारभरका महिलाहरु जुन देशका भए पनि महिलाहरुको समस्या साझा समस्याको रुपमा रहेको , महिलाहरुलाई पुँजीवाद तथा साम्राज्यवादले एक वस्तुसरह बनाएको धारणा राखिएको थियो । पत्रकार सम्मेलनमा विभिन्न देशका महिला कोओर्डिनेटरहरु,संगठनका प्रमुखहरुको उपस्थिति रहेको थियो । गोष्ठी सफलपार्न सहयोग गर्न आयोजकले सबैसँग अनुरोध गरेको छ ।
