काठमाडौं : भारतीय कम्युनिस्ट पार्टी (माओवादी)का केन्द्रीय समिति सदस्य तथा जनमुक्ति छापामार सेनाका कमाण्डर क. सन्तोश “माद्वी हिद्मा”, उहाँकी श्रीमति क. राजे र अन्य ४ जना कमरेडहरुको आन्ध्र प्रदेशको सितारामराजु जिल्लामा गत १८ नोभेम्बर २०२५ तदनुसार २०८२ मंसिर २ गते भारतीय सरकारद्वारा गिरफ्तारीपछि गरिएको कायरतापूर्ण हत्याले क्रान्तिकारी कम्युनिस्ट पार्टी नेपाललाई आक्रोशित बनाएको छ ।
पार्टीका महासचिव गौरवले मंसिर ४ मा एक प्रेस वक्तव्य जारी गर्दै कमरेड हिद्मा लगायत माओवादी नेता कार्यकर्ताहरुको हत्यालाई मोदी सरकारको चरम फासीवादी कदमको संज्ञा दिनुभएको छ । र, हत्याको तीव्र निन्दा तथा भत्र्सना गरिएको छ ।
वक्तव्यमा भनिएको छ, “हामी यस हत्याकाण्डमा सहादत प्राप्त गर्ने क. हिद्मा लगायत सम्पूर्ण अमर सहिदहरुप्रति भावपूर्ण श्रद्धाञ्जली तथा सर्वहारा अन्तर्राष्ट्रियतावादी लालसलाम अर्पण गर्दछौं । यो दुःखद घडिमा हामी भाकपा (माओवादी) को केन्द्रीय समिति लगायत सम्पूर्ण पार्टी सदस्यहरु, जनमुक्ति छापामार सेना, भारतीय सर्वहारा वर्ग तथा आम क्रान्तिकारी जनता र शोक सन्तप्त परिवारजन प्रति गहिरो समवेदना व्यक्त गर्दछौं ।”
