पोखरा : क्रान्तिकारी स्वास्थ्यकर्मी संगठन, नेपालको प्रथम राष्ट्रिय भेला घनश्याम विजय ढकाल शहिद स्मृति भवन शहिद चोक पोखरामा आकाश गौतमको अध्यक्षता ,क्रान्तिकारी कम्युनिस्ट पार्टी नेपालको पोलिटब्युरो सदस्य दिनेश शर्माको प्रमुख आथित्यता र विक्रम थापाको संचालनमा सम्पन्न भएको छ ।
कार्यक्रममा पार्टी केन्द्रीय समिति सल्लाहकार विशेष अतिथि रामजी थापा, अतिथिहरु ७ नम्बर ब्युरो सेक्रेटरी नारायण अधिकारी, क्रान्तिकारी संयुक्त मोर्चा केन्द्रीय सदस्य मान बहादुर थापा, केन्द्रीय सदस्यहरु शुसिला थापा, बाबुराम सुवेदी, विप्लव निकट स्वास्थ्यकर्मी संगठनका केन्द्रीय सचिव मणि न्यौपाने, मजदुर संगठनका केन्द्रीय सदस्य दिपक गुरुङ, सामना परिवारका केन्द्रीय सदस्य जनकलाकार काजीबाबु श्रेष्ठ अतिथिहरु रहनुभएको थियो ।
शहिदप्रति एक मिनेट मौनधारणपछि प्रमुख अतिथिबाट कार्यक्रमको कार्यक्रमको उद्घाटन भएको थियो ।
कार्यक्रममा बोल्दै प्रमुख अतिथि दिनेश शर्माले पार्टीले जनयुद्ध, जनआन्दोलन र अब हुने जनविद्रोहमा स्वास्थ्यकर्मीको भूमिका र सहभागितालाई महत्वपूर्ण स्थान दिइएको बताउनुभयो । । उनले स्वास्थ्य क्षेत्रमा रहेका विकृति विसङ्गतिप्रति संगठनले पुनः संरचना गर्ने गरी आन्दोलन जारी राख्न निर्देशनमूलक मन्तव्य राख्नुुभयो ।अतिथिहरुले भेला सफलताको शुुभकामना दिनुुभएको थियो ।
राष्ट्रिय भेलाले आकाश गौतमको संयोजकत्वमा टेकहरी न्यौपाने (काठमाडौं काजीबाबु श्रेष्ठ (कास्की), प्रेम कडेल (चितवन), निर्मला लुवार (कालिकोट), स्मृति वि क (डडेलधुरा), प्रभा बुढामगर( रोल्पा), अमृत चपाई (पर्वत), डाक्टर आकाश अर्याल (स्याङ्जा), डाक्टर सञ्जिव योञ्जन ( काभ्रेपलाञ्चोक)लगायतका पन्ध्र सदस्यीय केन्द्रीय समिति चयन गरेको छ । भेलाको पहिलो बैठकले पाँच सदस्सीय सचिवालय पनि गठन गरेको छ ।
