काठमाडौं : २०८२ कार्तिक १८ गते क्रान्तिकारी कम्युनिष्ट पार्टी नेपाल र नेपाल कम्युनिष्ट पार्टीका शीर्ष नेतृत्व बीच आज २०८२ कार्तिक १८ दिउसो १२ बजेदेखि ३ बजेसम्म वर्तमान राजनीतिक अवस्था बारेमा गम्भीर छलफल भयो ।
भाद्र २३ र २४ गते जेन जी पुस्ताको नाममा भएको आन्दोलन र त्यस क्रममा भएको डरलाग्दो र घातक घुसपैेठ तथा त्यसले उत्पन्न गरेको सुनियोजित र ब्यापक षडयन्त्रकारी तोडफोड , आगजनी, लुटपाट तथा त्यसले देश र जनतालाई पारेको दुष्प्रभावका बारेमा विविध कोणबाट ब्यापक छलफल भएको थियो ।
छलफलमा क्रान्तिकारी कम्युनिष्ट पार्टीका महासचिव कमरेड सीपी गजुरेल, स्थायी समिति सदस्यद्वय क. सन्तबहादुर नेपाली र क.हरिभक्त कडेल सहभागी हुनुहुन्थ्यो भने नेपाल कम्युनिष्ट पार्टीको तर्फबाट पार्टीका संयोजक कमरेड लोकनारायण सुबेदी र सचिवालय सदस्यहरु क. नारायण शर्मा, क.शरणबिक्रम मल्ल र क. लक्ष्मण उप्रेती सहभागी हुनुहुन्थ्यो ।
अमेरिकी साम्राज्यवादको बढ्दो हस्तक्षेपका कारणले देशको राष्ट्रिय स्वाधीनता, सार्बभौमिकता र जनतन्त्र तथा जन जीबिका आज ठूलो संकटबाट गुज्रिरहेको, नाजुक र तरल अबस्थाप्रति छलफलमा सहभागी नेताहरुले गहिरो चिन्ता ब्यक्त गर्नु भयो । छलफलका सहभागी नेताहरुले त्यस अबसरमा देश र जनताको रक्षा गर्न र राष्ट्रको स्वाधीनतालाई अक्षुण्ण राख्न साम्राज्यबाद, यथास्थितिबाद र प्रतिगमनका बिरुद्ध रहेका सम्पूर्ण देशभक्त शक्ति, समूह, राजनीतिक दल तथा ब्यक्ति, ब्यक्तित्वहरु एकजुट भएर प्रतिकार गर्नु पर्ने आजको ऐतिहासिक राष्ट्रिय आवश्यकता बनेको औंल्याउनु भयो ।
छलफलले देशको आजको अत्यन्तै संकटपूर्ण अबस्थामा त्यस्ता सबै शक्तिहरुलाई संकीर्ण स्वार्थमा न अल्मलिन र एकताबद्ध भएर अघि बढ्नु सर्बोपरी राष्ट्रिय आवश्यकता बन्न गएको निष्कर्श निकालेको छ । यस छलफलमा दुइ पार्टी बीच एकता प्रकृया अघि बढाउने र यस प्रकृयामा छरिएर रहेका त्यस्ता निष्ठावान क्रान्तिकारी शक्तिहरुलाई अग्रसर हुन र सेचत, संगठित र संयुक्त भएर अघि बढ्न जोडदार आह्वान गरेको छ । यसै क्रममा विचार,सिद्धान्त र नीति मिल्ने शक्तिहरु परस्पर एउटै पार्टीमा संगठित भएर अघि बढ्ने, आधारभूत बिचार नमिले पनि साम्राज्यबादको बिरुद्धमा रहेका शक्तिहरु मोर्चाबद्ध भएर संघर्ष गनुपर्ने आबश्यकतामा जोड दिएको छ ।
न्यूनतमरुपमा कार्यगत एकताकोरुपमा भए पनि संयुक्त मोर्चामा आउन सक्ने सबै शक्तिहरु संयुक्त आन्दोलनमा उत्रिन पर्ने आजको ज्वलन्त आवश्यकता बनेको यो छलफलको निस्कर्ष रहेको छ ।
