कुमार भट्टराई/ललितपुर : काठमाडौं । क्रान्तिकारी कम्युनिस्ट पार्टी नेपालको एकताको ९ औं ललितपुर जिल्ला सम्मेलन २०८२ भदौ १४ गते पार्टीका कार्यवाहक महासचिव सीपी गजुरेल गौरवको प्रमुख आतिथ्यतामा सम्पन्न भएको छ ।
सम्मेलनको उद्घाटन गर्दै कार्यवाहक महासचिव गौरवले देशैभर जनविद्रोहको माहौल बनेको बताउनु भयो । उहाँले भन्नुभयो, “जनसंघर्ष, वर्गसंघर्ष, जनप्रतिरोध र जनविद्रोहको कार्यदिशा सही सावित हुँदै गएको छ । अहिले देशैभरि जनविद्रोहको माहौल बनिरहेको छ ।”
उहाँले विकसित परिस्थितिलाई मध्य नजर गरी रचनात्मक रुपमा काम गर्न पार्टीपंक्तिलाई निर्देशन पनि दिनुभयो । सम्मेलनमा पार्टी केस कगेन्द्र र दिपकको पनि अतिथिको रुपमा उपस्थित रहेको थियो भने सम्मेलनमा बाबुलाल लोप्चनले स्वागत गर्नुभएको थियो ।
त्यसैगरी सम्मेलनका विशेष अतिथि तथा पार्टीका पोलिटब्यूरो सदस्य एवम् ९ नं ब्यूरोका इन्चार्ज सागरले ललितपुर जिल्लाको सम्मेलनको पृष्ठभूमि केलाउदै उदारवाद र उदासिनता पार्टीको ठूलो रोग भएको बताउनु भयो । उहाँले आवाश्यकता र क्षमताको अन्तरविरोध संघर्षकै बीचबाट हल गर्दै जनविद्रोहको कार्यदिशा सफल बनाउन सक्रिय भूमिका निभाउन अनुरोध गर्नु भयो । सम्मेलनमा कगेन्द्रले शुभकामना मन्तव्य राख्नुभएको थियो ।
विश्वासको अध्यक्षता र निरखको सञ्चालनमा सम्मेलन सम्पन्न भएको हो । सम्मेलनको बन्द सत्रले विश्वासको नेतृत्वमा लगायत २५ सदस्सीय जिल्ला कार्यसमिति निर्वाचित गरेको छ । निर्वाचित कमिटिलाई शपथ ग्रहण दिपकले गराउनु भएको थियो । वहाँले समितिलाई बधाई तथा शुभकामना दिनुभएको थियो ।
