चितवन : क्रान्तिकारी कम्युनिस्ट पार्टी नेपालका प्रदेश ३ का सदस्य प्रकाशबाबु खनालका बुबा रामचन्द्र खनालको श्रद्धाञ्जली कार्यक्रम सम्पन्न भएको छ । क्रान्तिकारी कम्युनिस्ट पार्टी नेपाल र नेपाल कुखुरा पालक किसान संघ , चितवनको संयुक्त आयोजना भएको कार्यक्रम पार्टीका केन्द्रीय सदस्य एवं चितवन जिल्ला संयोजक बिकासले संचालन गर्नु भएको थियो ।
कार्यक्रममा क्रान्तिकारी कम्युनिस्ट पार्टी , नेपालका तर्फबाट के. स. सदस्य एवं जिल्ला इन्चार्ज ध्रुब र नेपाल कुखुरा पालक किसान संघका केन्द्रीय अध्यक्ष झनकप्रसाद पौडेलले आआफ्नो संस्थाको तर्फबाट समवेदना व्यक्त गर्नु भएको थियो ।
२००१ साल भाद्र ९ गते गोर्खा दर्बुङ्गमा जन्मनु भएका खनालको २०८० फाल्गुन ५ का दिन चितवन , रत्ननगरमा निधन भएको थियो ।
