बधाई र ऐक्यबद्धता पत्र
क्रान्तिकारी कम्युनिष्ट पार्टी नेपाल केन्द्रीय समिति
प्रिय कमरेडहरू,
हामी तपाईंको तेस्रो केन्द्रीय समिति बैठकको सफलताका लागि सम्पूर्ण पार्टी र नवनियुक्त महासचिव, कमरेड सी .पी. गजुरेल (गौरव) लाई हार्दिक क्रान्तिकारी अभिवादन व्यक्त गर्दछौं।
तीव्र वर्गीय अन्तर्विरोधहरू चर्किदै गएको र साम्राज्यवादका विरुद्ध विश्वभरका क्रान्तिकारी, देशभक्त र लोकतान्त्रिक शक्तिहरूको बीचमा एेकताबद्धको आवश्यकता बढिरहेका बेला तपाईहरुको बैठक सम्पन्न भएको छ। तपाईंहरुको बैठकमा लिइएका निर्णयहरू नेपालमा क्रान्तिकारी प्रक्रियालाई अगाडि बढाउने दिशामा महत्त्वपूर्ण र समयसापेक्ष कदम सावित हुने छन् ।
साथै, हामी कमरेड मोहन वैद्य (किरण) लाई नेपालको पार्टी र क्रान्तिकारी आन्दोलनलाई मार्गदर्शन गर्न दशकौंदेखिको अटल समर्पण, वैचारिक दृढता र नेतृत्वको लागि गहिरो सम्मान र कृतज्ञता व्यक्त गर्दछौं। उहाँको योगदानले नेपाली सर्वहारा वर्ग र जनताको क्रान्तिकारी संघर्षमा स्थायी छाप छोडेको छ, र उहाँको दृढताले साम्राज्यवाद, सामन्तवाद र नोकरशाही पूँजीवाद विरुद्ध लड्ने सबैलाई प्रेरणा दिइरहेको छ।
हामी नवनियुक्त कार्यवाहक महासचिव, कमरेड गौरव र सम्पूर्ण केन्द्रीय समितिलाई नयाँ परिस्थितिमा क्रान्तिकारी विरासतलाई अगाडि बढाउँदै गर्दा पूर्ण ऐक्यबद्धता व्यक्त गर्दछौं। हामीलाई विश्वास छ कि तपाईंको सामूहिक नेतृत्वमा, नेपालको क्रान्तिकारी कम्युनिष्ट पार्टीले क्रान्तिकारी आन्दोलनलाई सुदृढ पार्ने, जनतासँगको सम्बन्धलाई बलियो बनाउने र नेपालमा जनवाद र समाजवादको उद्देश्यलाई अगाडि बढाउनेछ।
न्यानो क्रान्तिकारी अभिवादन र भाइचारापूर्ण ऐक्यबद्धता सहित
सर्वहारा अन्तर्राष्ट्रियतावाद अमर रहोस् !
विश्वका कम्युनिस्टहरूको एकता अमर रहोस् !
समाजवादको लागि नेपाली जनताको संघर्ष अमर रहोस् !
टर्की कम्युनिष्ट पार्टी माक्र्सवादी – लेनिनवादी
अन्तर्राष्ट्रिय ब्यूरो
२० अक्टोबर २०२५
