मकवानपुर : माेहन वैद्य ‘किरण’ले नेतृत्व गरेकाे क्रान्तिकारी कम्युनिस्ट पार्टी, नेपाल निकट क्रान्तिकारी महिला संगठन नेपालले ११४औं अन्तर्राष्ट्रिय श्रमिक महिला दिवस भव्य रुपमा मनाएको छ । संगठनको जिल्ला संगठन समितिको आयोजनामा शुक्रबार मकवानपुरकाे बकैयामा नारा जुलुस प्रदर्शनसहित विशेष कार्यक्रमको आयोजना गरी ११४औं अन्तर्राष्ट्रिय श्रमिक महिला दिवस भव्य रुपमा सम्पन्न गरेको हो ।
क्रान्तिकारी महिला संगठन नेपालका केन्द्रीय सहसयोजक अन्जना तामाङको प्रमुख आतिथ्यता र क्रान्तिकारी कम्युनिस्ट पार्टी नेपालका केन्द्रीय सचिवालय सदस्य तथा मकवानपुर जिल्ला इन्चार्ज गगन खड्कीको विशेष आतिथ्यतामा सम्पन्न कार्यक्रमको अध्यक्षता जिल्ला समिति उपाध्यक्ष खुसी लामा, सञ्चालक विनिताले गर्नुभएको थियो भने स्वागत मन्तव्य संगठनकी जिल्ला सहसचिव सुमित्रा गुरुङले गर्नुभएको थियो ।
कार्यक्रममा प्रमुख अतिथि केन्द्रीय सहसयोजक अन्जना तामाङ, विशेष अतिथि जिल्ला इन्चार्ज गगन खड्की अन्य अतिथीहरु धावा लामा, अनिल तामाङ, भक्त माझी, प्रलाह्द गौतम र मीन बहादुर गौतम रहेका थिए ।
कार्यक्रममा मीनबहादुर गौतम, धावा लामा, गगन खड्की र अन्जना तामाङले अन्तर्राष्ट्रिय श्रमिक महिला दिवसको महत्वको विषयमा प्रकाश पार्नुका साथै शुभकामना मन्तव्य राख्नु भएको थियो ।
