८ फागुन । प्यालेस्टिनी समाचार एजेन्सी वाफालेका अनुसार दक्षिणी गाजा पट्टीमा इजरायली बमबारीमा कम्तीमा ४० प्यालेस्टाइनीको मृत्यु भएको छ।
प्यालेस्टिनी विद्रोही र इजरायली सेनाबीचको भीषण संघर्षको क्रममा इजरायली युद्धक विमान र तोपखानाले सहरको पश्चिमी क्षेत्रहरूमा बमबारी गरेको बताइएको छ।
उक्त क्षेत्रमा हजारौं विस्थापित प्यालेस्टाइनीहरू बसिरहेका छन्।
गाजाको स्वास्थ्य मन्त्रालयले सोमबार घोषणा गरेको छ कि गाजा पट्टीमा जारी इजरायली आक्रमणबाट प्यालेस्टाइनीको मृत्यु हुनेको संख्या २५,२९५ पुगेको छ।
मन्त्रालयका अनुसार पछिल्लो २४ घण्टामा इजरायली सेनाको कारबाहीमा १९० प्यालेस्टाइनीको मृत्यु भएको छ भने ३४० जना घाइते भएका छन् । अक्टोबर ७, २०२३ देखि जारी इजरायल-हमास युद्धमा कम्तीमा ६३ हजार प्यालेस्टाइनी घाइते भएको मन्त्रालयले जनाएको छ। (सिन्ह्वा)
