युवा जनस्वयम्सेवक नेपालले प्रधानमन्त्री देउवालाई बुझायो ३५ बुँदे मागपत्र

News

मिटरब्याजी शोषणविरुद्ध आजभोलि नै कारबाही थाल्छु : प्रधानमन्त्री

काठमाडौँ : नेपाल कम्युनिस्ट पार्टी (बहुमत) को सहायक सङ्गठन युवा जनस्वयम्सेवक नेपालले प्रधानमन्त्री शेरबहादुर देउवालाई ३५ बुँदे मागपत्र पेस गरेको छ । राष्ट्रियता, जनतन्त्र, जनजीविकालगायत देश र जनताका जल्दाबल्दा विषयसँग सम्बन्धित समस्याहरू लिएर युवा जनस्वयम्सेवक नेपाल केन्द्रीय समितिले प्रधानमन्त्रीसमक्ष मागपत्र पेस गरेको हो ।
देशमा व्याप्त भ्रष्टाचार, कमिसनतन्त्र, मिटरब्याज आतङ्क, घूसखोरी, दलाली, महिला हिंसा, जातका आधारमा भएका हिंसाविरुद्धमा मागपत्र पेस गरिएको सङ्गठनले जनाएको छ । युवा जनस्वयम्सेवकले जनप्रतिनिधिहरूको तलबभत्ता, सेवासुविधा आतङ्क बन्द गर्न पनि माग गरेको छ ।
प्रधानमन्त्री देउवा युवाले पेस गरेको मागपत्रप्रति निकै सकारात्मक देखिएको सङ्गठनले जनाएको छ । प्रधानमन्त्री देउवाले सम्भव भएका मागलाई यथाशीघ्र पूरा गर्ने र नीतिगत मागहरूलाई छलफलद्वारा टुङ्ग्याउने प्रतिबद्धता व्यक्त गरेको मागपत्र पेस गर्न प्रधानमन्त्री कार्यालय पुगेका सङ्गठनका अध्यक्ष हरिश भट्टले बताए ।
प्रधानमन्त्रीले युवा जनस्वयम्सेवक नेपालले पेस गरेको मिटरब्याजी शोषकविरुद्ध कारबाही गर्नुपर्ने मागका सम्बन्धमा आजभोलिभित्रै कारबाही गरिने बताएको जानकारी सङ्गठनका केन्द्रीय सचिवालय सदस्य विवेक दाहालले दिए ।
प्रधानमन्त्री देउवासमक्ष ३५ बुँदे मागपत्र पेस गर्न युवा जनस्वयम्सेवक नेपालका केन्द्रीय अध्यक्ष हरिश भट्टको नेतृत्वमा उपाध्यक्ष अभिनास, सचिवालय सदस्य एवम् बागमती उपत्यका ब्युरो संयोजक विवेक, सचिवालय सदस्य एवम् सुर्खेत इन्चार्ज बादल, सचिवालय सदस्य एवम् ललितपुर इन्चार्ज युकेन्द्रसहितको टोली प्रधानमन्त्रीको कार्यकक्षमा पुगेको थियो ।

Leave a Reply

Your email address will not be published.