रुकुम पश्चिमको त्रिवेणी गाउँपालिकामा मत गणना कार्य सुरु भएको छ ।
शुक्रबार साँझको सर्वदलीय बैठकले बिहान ७ बजे देखि मत गणना सुरु हुने भनिएपनि केही समय ढिला गरी साढे ८ बजे बाट निर्वाचन अधिकृतको कार्यालय खारानेटामा मत गणना सुरु भएको हो ।
त्रिवेणीमा १० वडा रहेकोमा मत गणनाको सुरु भने वडा नम्बर १ बाट भएको निर्वाचन अधिकृत कृतिबहादुर बस्नेतले बताउनुभयो । वडा नम्बर १ मा अध्यक्षका उम्मेदवारहरु माओवादी केन्द्रबाट लक्ष्मन ओली नेपाली कांग्रेसबाट मुस्कान ओली र स्वतन्त्र बाट सुन्दर ओली रहेका छन ।
