रुकुम पश्चिमको त्रिवेणी-१ मा माओवादी केन्द्र त्रिवेणी गाउँपालिका पूर्वउपाध्यक्षसमेत रहेका स्वतन्त्र उम्मेदवार सुन्दर ओलीको स्वतन्त्र प्यानल नै बिजयी भएको हो ।
माओवादी केन्द्रले आफुलाइ उम्मेदवार नबनाएपछि उनले स्वतन्त्र उम्मेदवारहरूको प्यानल बनाएर चुनाव लडेका थिए ।
निर्वाचन अधिकृतको कार्यालयका अनुसार, ओलीले ५७७ मत ल्याएका छन, एमालेले स्वतन्त्र उम्मेदवारलाइ सघाएकाे थियाे । भने माओवादी केन्द्रका आधिकारिक उम्मेदवार लक्ष्मण ओलीले ४१७ मत ल्याएका हुन । त्यस्तै, काङ्ग्रेसका वडा अध्यक्षका उम्मेदवार मुस्कान ओलीले ५१ छन ।
त्यस्तै उनको प्यानलबाट महिला सदस्य कमला बोहरा, दलित महिला सदस्य लालसरा कामी, खुला सदस्यहरु खडक पुन र पुर्ण बहादुर बुढा विजयी भएका छन् ।
यद्यपि निर्वाचन अधिकृतको कार्यालयले मतपरिणाम बारे आधिकारिक घोषणा गर्न बाँकी रहेको छ ।
