आइतबार प्रतिनिधि सभा बैठकमा नेपाल मजदुर किसान पार्टीका नेता प्रेम सुवालले भारतले महाकालीको बहाब नेपालतिर फर्काउन लागेकाले बर्खामा संकट आउनसक्ने बताएका छन् ।
उनले प्रश्न गरे ‘महाकालीको बहाब भारतले नेपालतिर फर्काउँदै छ , तटबन्ध बनाउँदैछ, यसबारे सरकार किन मौन छ ?’ नेपाली भूमि लिपुलेकमा भारतले सडक बनाउँदै गर्दा पनि नेपाल नबोलेकोप्रति उनले आपत्ति जनाए ।
उनले भने ‘भारतले नेपालको सिमानामा गरिरहेको थिचोमिचो तत्काल बन्द गराउन जरुरी छ, यसबारे सदनमा सरकारले जानकारी गराउनुपर्छ ।’
