काठमाडौं,असोज ४ गते । आजदेखि ११ दिनसम्म देशैभर भेरोसेल खेपको पहिलो डोज लगाउन सुरु गरिएको छ । चीनबाट आइपुगेको ४४ लाख डोज खोप आजबाट नागरिकमा वितरण सुरु गरीने स्वास्थ्य सेवा विभाग बाल स्वास्थ्य तथा खोप शाखा प्रमुख डा. सागर दाहालले बताउनुभयो । दोस्रो मात्रा भने कात्तिक ४ देखि १४ गतेसम्म सबै जिल्लामा दिइने उहाँले बताउनुभयो ।
पहिलो चरणमा हिमाली १० जिल्लामा १८ वर्षभन्दा माथि उमेर समूहकालाई खोप प्रदान गरिनेछ भने काठमाडौं उपत्यकाका तीन जिल्लासहित रामेछाप, सर्लाही, मकवानपुर,अछाम जिल्लामा ४० वर्षभन्दा माथिका उमेर समूहकालाई,चितवन र काभ्रे जिल्लामा ३५ वर्ष उमेर समूहकालाई र बाँकी जिल्लाहरुमा ४५ वर्षभन्दा माथि उमेर समूहकालाई प्रदान गरीने डा. दाहालले बताउनुभयो ।
